2012/05/23
ურთიერთთანამშრომლობის მემორანდუმი – არასამთავრობო ორგანიზაცია "ირის ჯგუფთან"
2012 წლის 23 მაისს, ფონდ „არძას“ და არასამთავრობო ორგანიზაცია “ირის ჯგუფს“ შორის გაფორმდა ურთიერთთანამშრომლობის მემორანდუმი. ხელშეკრულებას ხელი ფონდი „არძას“ დირექტორმა, აიეტ კუკავამ და ორგანიზაციის აღმასრულებელმა დირექტორმა, ირინა ოდიშარიამ მოაწერეს.
მემორანდუმის მიზანია საზოგადოებისათვის სასარგებლო საქმიანობის განხორციელების მიზნით თანამშრომლობა. მხარეები საკუთარი საქმიანობის სპეციფიკიდან და ხასიათიდან გამომდინარე, შეიმუშავებენ და განახორციელებენ ერთობლივ პროექტებს, რომლებიც მიმართული იქნება სოციალური და განათლების სფეროს განვითარებისკენ.
